telpek

Deriden, baganadan tikilip, kellä geýilýän geýim.

∙ Onuň tüýi ösgün gara telpegi mydama başyndady. (A. Durdyýew, Saýlanan eserler)

∙ Köne donuny agajyň başyna bürärdi, telpegi hem üstünden geýdirip, onsoň uklardy. (A. Gowşudow, Köpetdagyň eteginde)

Ýazuw düzgüni: Soňuna çekimli ses bilen başlanýan goşulmalar ýa-da -räk goşulmasy goşulanda, k sesi g sesine öwrülýär.

Meselem telpek - telpegi.

◊ telpegi agan — Öň öýlenip, dul galan.

∙ Telpegi agan aýypjagazy bar. (B. Kerbabaýew, Aýsoltan)

◊ telpegi göge zyňmak — Gaty begenmek, guwanmak, şatlanmak.

◊ telpek goýmak — Biriniň bir käre, bir zada ökdeligine boýun bolmak.

∙ Bä, şu wagtyň bilgiçlerine telpek goýýaýmaly! (B. Kerbabaýew, Nebitdag)